Intergritet dhe strategji

Plani i Integritetit është një dokumenti i cili përgatitet si rezultat i vetë-vlerësimit të institucionit në lidhje me ekspozimin e tij ndaj rrezikut të pranisë dhe zhvillimit të korrupsionit dhe ekspozimit ndaj veprimeve të papranueshme etike dhe profesionale;

Plani i integritetit duhet të përmbajë:

1. Vetë-vlerësimin e ekspozimit të institucionit ndaj korrupsionit dhe formave të tjera të cenimit të integritetit;
2. Informacione mbi fushëveprimin e punës së institucionit dhe burimeve njerëzore të angazhuara në institucion;
3. Llojet e rreziqeve të korrupsionit dhe format e tjera të cenimit të integritetit;
4. Masat ekzistuese të kontrollit;
5. Masat parandaluese për zvogëlimin e rrezikut të korrupsionit dhe formave të tjera të cenimit së integritetit dhe afatet për zbatimin e tyre;
6. Informacionin mbi personin përgjegjës për menaxhimin e përpilimit dhe zbatimit të planit të integritetit;
7. Të dhëna tjera, në përputhje me udhëzimet për përpilimin dhe zbatimin e planit të integritetit.

Agjencia ka zhvilluar Metodologjinë uniforme dhe udhëzimet për përpilimin dhe zbatimin e planeve të integritetit.

Planet e integritetit janë plane tre vjeçare dhe përditësohen nga ana e institucionit çdo vit.  

Strategjia Shtetërore dhe Plani i Veprimit Kundër Korrupsionit  është një dokumenti i cili  hartohet dhe aprovohet nga Qeveria e Republikës se Kosovës. Ky dokument ofron qasje strategjike për masat që planifikohet të ndërmerren për parandalimin dhe luftimin e korrupsionit.   

Agjencia merr pjesë dhe i ofron ndihme profesionale Qeverisë së Republikës së Kosovës në hartimin e strategjisë shtetërore dhe planit të veprimit kundër korrupsionit.

Pastaj, Agjencia monitoron zbatimin e strategjisë shtetërore dhe planit të veprimit kundër korrupsionit.

Institucionet publike që kane obligime që përcaktohen në Strategji shtetërore dhe plan të veprimit kundër korrupsionit, i raportojnë Agjencisë dy herë ne vit mbi statusin e zbatimit te veprimeve që dalin nga Strategjia shtetërore dhe plani i veprimit kundër korrupsionit.

Agjencia përpilon raport në lidhje me zbatimin e Strategjisë shtetërore dhe planit të veprimit kundër korrupsionit në kuadër të raportit të saj vjetor për Kuvendin e Republikës së Kosovës.