Prishtinë, 16 tetor 2018 – Drejtori i Agjencisë Kundër Korrupsionit, z. Shaip Havolli takoi Ambasadoren e Kroacisë në Kosovë, Shkëlqesinë e Saj znj. Marija Kapitanović.
Gjatë këtij takimi z. Havolli e njoftoi znj. Kapitanović për mandatin dhe kompetencat e Agjencisë Kundër Korrupsionit si dhe për zhvillimet e fundit në Kosovë në parandalimin dhe luftimin e korrupsionit. Në anën tjetër, znj. Kapitanović shprehi gatishmërinë për të përkrahur Agjencinë Kundër Korrupsionit dhe për të gjetur aktivitetet e përbashkëta në të cilat Agjencia Kundër Korrupsionit dhe Kosova do të përfitonin nga përvojat e Kroacisë në metodat e parandalimit dhe luftimit të korrupsionit.