Prishtinë, 22-23 Maj 2025
Në kuadër të Projektit Kundër Krimit Ekonomik (PECK III), i bashkëfinancuar nga Bashkimi
Evropian dhe Këshilli i Evropës, në Prishtinë u organizua një punëtori rajonale me
pjesëmarrjen e mbi 80 zyrtarëve nga administrata publike e Kosovës dhe vendeve të rajonit
Inspektorati i Lartë i Deklarimit dhe Kontrollit të Pasurisë dhe Konfliktit të Interesit –
Shqipëri, Komisioni Shtetëror për Parandalimin e Korrupsionit – Maqedoni e Veriut, Agjencia
për Parandalimin e Korrupsionit – Mali i Zi dhe Agjencia për Parandalimin e Korrupsionit dhe
Koordinimin e Luftës Kundër Korrupsionit (APIK) – Bosnjë e Hercegovinë.
Ngjarja u përqendrua në dy tema kyçe të qeverisjes së mirë: deklarimin dhe kontrollin e
pasurisë dhe dhuratave të zyrtarëve publikë, si dhe parandalimin e konfliktit të interesit.
Në fjalën e saj hapëse, znj. Mary Ann Hennessey, Shefe e Zyrës së Këshillit të Evropës në
Prishtinë, theksoi rëndësinë e harmonizimit të standardeve rajonale për ndërtimin e
institucioneve demokratike dhe të qëndrueshme. Drejtori i APK-së, z. Yll Buleshkaj, nënvizoi
se transparenca në pasurinë e zyrtarëve është themel për besimin publik, duke theksuar:
“Identifikimi i rasteve të dyshimta shpesh buron nga qytetarët, organizatat e shoqërisë civile
dhe mediat.”
Pjesëmarrësit ndanë përvoja praktike dhe sfida në zbatimin e legjislacionit për deklarimin e
pasurisë dhe konfliktin e interesit, duke diskutuar gjithashtu për përdorimin e teknologjisë
dhe inteligjencës artificiale në monitorimin dhe verifikimin e pasurisë së zyrtarëve.
Dita e dytë u fokusua në konfliktin e interesit, me theks të veçantë në sektorë të ndjeshëm
si akademia, shëndetësia dhe kultura. Përfaqësues nga agjencitë homologe të rajonit ndanë
praktikat kombëtare dhe rekomanduan thellimin e bashkëpunimit ndërkufitar për
verifikimin e pasurisë jashtë vendit.
Zhvilluar nën moton “Besimi fillon me transparencën”, kjo ngjarje përforcoi përkushtimin
institucional për parandalimin e korrupsionit dhe bashkëpunimin rajonal me qëllim ruajtjen
dhe zhvillimin e integritetit të inistitucioneve publike.