Deklarimi i dhuratave

• Zyrtarët publikë nuk duhet të kërkojnë kurrë një dhuratë!
• Si rregull, zyrtarët publikë nuk duhet të pranojnë ndonjë dhuratë që lidhen me kryerjen e detyrës së tyre!

Zyrtarët publikë në të gjitha nivelet janë të detyruar të regjistrojnë të gjitha dhuratat që marrin pranë institucioneve përkatëse dhe ka kufizime në vlerën e dhuratave që mund të pranojnë.

• Një zyrtar publik nuk pranon dhurata ose favore që lidhen me kryerjen e detyrës së tyre, me përjashtim të dhuratave të marra me protokoll, të cilat kalojnë në pronësi të institucionit;
• Dhurata e protokollit quhet dhurata e dhënë nga një përfaqësues i një vendi tjetër ose organizate ndërkombëtare, dhënë gjatë një vizite ose rasti tjetër;
• Dhuratat e rastit konsiderohet dhurata e pranuar në ndonjë rast të veçantë që nuk ndërlidhen më ushtrimin e funksionit publik;
• Zyrtari nuk pranon letra me vlerë monetare dhe metale të çmuara, pavarësisht nga vlera e tyre.
• Zyrtari nuk pranon më shumë se një dhuratë të rastit në vit nga i njëjti person ose institucion.
• Zyrtari nuk pranon dhuratë të rastit, vlera e së cilës tejkalon shumën prej pesëdhjetë Eurove (50€), ose tërësia e dhuratave të rastit tejkalojnë shumën prej dyqind e pesëdhjetë Euro (250€) brenda një (1) viti.
• Secili institucion duhet të siguron një kënd në institucion ku ekspozohen dhuratat e pranuara nga personat zyrtarë të institucionit
• Secili institucion duhet të ketë një Regjistër të Dhuratave që përmban informata për të gjitha dhuratat e marra nga zyrtarët e tij, vlerën e tyre dhe emrat e personave ose institucioneve që i kanë dhënë dhuratat.

Në përputhje me Ligjin për Deklarimin, Prejardhjen dhe Kontrollin e Pasurive dhe Dhuratave, Agjencia gjithashtu:

 

Kryen inspektimin e dhuratave

 

Kryen auditimin e regjistrave të dhuratave dhe në rast të parregullsive kërkohet nga institucionet që të marrin masa për zbatimin e ligjit

 

Vendosë për pranimin ose jo të dhuratës me kërkesë të zyrtarit

 

Shqipton gjoba në rastet e shkeljes së ligjit.