Deklarimi i Pasurisë

Deklarimi i pasurisë bëhet vetëm në formë elektronike

Deklarimi i pasurisë është një mjet thelbësor në parandalimin e korrupsionit dhe konfliktit të interesit dhe në forcimin e integritetit të institucioneve publike.

Siç është paraparë me Ligjin për Deklarimin, Prejardhjen dhe Kontrollin e Pasurive dhe Dhuratave, disa kategori të zyrtarëve të lartë duke përfshirë edhe Presidentin; Deputetët e Kuvendit; Ministrat dhe Zëvendës Ministrat; Gjyqtarët dhe Prokurorët; Drejtori i Përgjithshëm i Policisë së Kosovës; Kryesuesit, Anëtarët e Bordeve dhe Drejtorët e Përgjithshëm të ndër marrjeve publike, Kryetarët dhe Nënkryetarët e Komunave dhe zyrtarët publikë si Mjekët, Profesorët e universiteteve publike, zyrtarët e prokurimit publik, doganierët, inspektorët tatimorë, hetuesit policorë, janë të detyruar të deklarojnë pasurinë.

Deklarimi i pasurisë, e cila mund të deklarohet në internet, ndër të tjera, duhet të përfshijë informacion për:

Të ardhurat vjetore duke përfshirë pagën, mëditjet, tarifat nga organet drejtues edhe komisionet, dhe nga të drejtat e pronësisë intelektuale

Pronësinë ose veprimtarinë dhe fitimin e fituar nëpërmjet një shoqërie private, edhe nga anëtarët e ngushtë të familjes

Kursime, para të gatshme, valutë digjitale dhe depozita, në Kosovë dhe jashtë saj, edhe të anëtarëve të ngushtë të familjes

Vlera e pasurisë së paluajtshme, pasurive të luajtshme, stoqet dhe letrat me vlerë

Huatë, borxhet dhe detyrimet, stoqet dhe letrat me vlerë

Shpenzimet, donacionet dhe transaksionet mbi 3000 euro

Ndërsa Agjencia për Parandalimin e Korrupsionit:

Kontrollon nëse deklarimet e pasurisë janë të plota dhe të sakta
Kryen kontroll të plotë të deklarimeve të pasurisë dhe verifikon të dhënat në Kosovë dhe jashtë saj
Sanksionon zyrtarët që nuk respektojnë afatet e përcaktuara ose nuk e deklarojnë plotësisht pasurinë
Paraqesin kallëzim penal në Prokurori

Zyrtarët të cilët nuk arrijnë të deklarojnë në mënyrë të rregullt pasurinë e tyre do t’i nënshtrohen gjobave të mëposhtme:

Nëse zyrtari i lartë ose zyrtari publik e dorëzon deklarimin e pasurisë me vonesë deri në 15 ditë, do të paguajë gjobë deri në 500 euro

Nëse një zyrtar i lartë ose zyrtari publik e dorëzon deklarimin e pasurisë me vonesë prej më shumë se 15 ditësh ose deklaron në mënyrë të rreme pasurinë e tij/saj, Agjencia do t’ia referojë çështjen Prokurorisë dhe Gjykata mund ta dënojë zyrtarin me burgim deri në pesë vjet, ndërsa çdo pasuri e pa raportuar do të konfiskohet

Gjithashtu, Gjykata do të shqiptojë një dënim shtesë me ndalim të ushtrimit të funksionit publik nga 1 deri në 10 vjet pas vuajtjes së dënimit me burgim dhe, nëse është e aplikueshme, Gjykata mund të ndalojë të drejtën për t’u zgjedhur në post publik për 1 deri në 4 vjet.