Konflikti i interesit është një situatë në të cilën një zyrtar publik ka një interes privat, i cili ndikon në paanshmërinë e tij ose të saj dhe kryerjen objektive të detyrave zyrtare. Për shembull, një konflikt interesi ndodh kur një zyrtar i lartë publik:
Është gjithashtu menaxher, përfaqësues i autorizuar ose anëtar i bordit të ndërmarrjes private
Është anëtar i më shumë se një organi drejtues të një ndërmarrje publike, institucioni publik, ose shoqëri aksionare të bashkuar në pronësi publike
Ofron trajtim favorizues ose informacion konfidencial gjatë kontraktimit të shërbimeve për përfitime personale
Ndikon në vendimmarrjen e organeve legjislative, gjyqësore ose ekzekutive për përfitime personale
Punësohet ose ofron shërbime në një institucion që ai/ajo e ka mbikëqyrur në më pak se dy vjet që nga largimi i tij/saj, ose drejtpërdrejt ose tërthorazi nëpërmjet një të afërmi ose të besuari
Ndërsa Agjencia këshillon zyrtarët dhe institucionet se si të shmangin konfliktin e interesit dhe si të trajtojnë raste të tilla nëse ndodhin, ajo gjithashtu ka të drejtë të monitorojë çdo prokurim publik ose proces rekrutimi dhe të iniciojë hetime administrative për çdo rast të mundshëm të konfliktit të interesit.
Publiku, nga ana tjetër, gjithashtu mund të raportojë çdo konflikt të mundshëm interesi, qoftë drejtpërdrejt tek institucioni, duke kontaktuar zyrtarin e caktuar për parandalimin e konfliktit të interesit, ose në Agjencinë për Parandalimin e Korrupsionit
Pasi Agjencia kryen një hetim administrativ për një rast të mundshëm të konfliktit të interesit, ajo mund:
Të kërkon nga institucioni i punësimit për nisjen e procedurës për shkarkimin e një zyrtar
Të kërkojë nga një institucion të rishikojë, revokojë ose anulojë një akt juridik të nxjerrë si rezultat i një konflikti të interesit
Të iniciojë procedurë kundërvajtëse në gjykatë në rast të shkeljes së ligjit, ose të paraqesë kallëzim penal në prokurori në rast të veprës penale
Gjykata mund të shqiptojë gjobë dhe të ndalojë ushtrimine funksioneve publike nga 6 muaj deri në 2 vjet.
