Vlerësimi kundër korrupsion

Agjencia zhvillon Metodologjinë për vlerësimin  kundër-korrupsion të akteve ligjore e cila ka për qëllim të ndihmojë Agjencinë në arritjen e qëllimeve të saja në parandalimin e korrupsionit në legjislacion në mënyrë më efektive dhe efikase, duke ofruar një qasje të strukturuar për identifikimin dhe evitimin e rreziqeve të tilla. Në të njëjtën kohë, Metodologjia synon të sigurojë që projekt-akti normativ dhe/ose legjislacioni në fuqi është në përputhje me standardet ndërkombëtare kundër korrupsionit.

Vlerësimi i projekt akteve normative mund të bëhet me kërkesë të organit propozues, ose vetiniciativë të Agjencisë, sipas një përparësie të para përcaktuar.

Vlerësimin e rreziqeve potenciale të korrupsionit në legjislacion bëhet edhe për të siguruar pajtueshmërinë e tyre me standardet ndërkombëtare kundër korrupsionit.

VLERËSIMI SEKTORIAL I RREZIKUT TË KORRUPSIONIT, nënkupton procesin e identifikimit të rreziqeve institucionale që mund ta lehtësojnë korrupsionin dhe rekomandimet e masave të zbutjes së tij;

Për këtë qëllim, Agjencia zhvillon metodologjinë e cila siguron një qasje sistematike dhe grup të teknikave që përdoren për të identifikuar, analizuar dhe vlerësuar mundësinë dhe ndikimin e mundshëm të rreziqeve të korrupsionit brenda një organizate, sektori ose konteksti të caktuar.

Metodologjia përfshin ekzaminimin e strukturuar të faktorëve të ndryshëm, mangësive dhe treguesve që mund të kontribuojnë në praktikat e korrupsionit dhe shkeljeve ligjore, me qëllim të kuptimit të rreziqeve dhe planifikimit të masave parandaluese.