Sinjalizimi

Përderisa raportimet e tilla mund të bëhen drejtpërdrejt institucionit ku ka ndodhur incidenti, sinjalizuesit mund t’i drejtohen edhe Agjencisë, me ç’rast konsiderohen si sinjalizues të jashtëm.

Sinjalizues mund të jetë çdo person që është ose ka qenë:

• Vullnetar;
• Aplikant për punë;
• Praktikant;
• Bashkëpunëtor;
• Punonjës, ose
• Në çfarëdo marrëdhënie kontraktuale me një institucion a ndërmarrje publike apo private. 

Agjencia është përgjegjëse për të shqyrtuar dhe përpunuar rastet e sinjalizimit të jashtëm në sektorin publik përmes hetimit administrativ kur ato:

 

lidhen me menaxherin e sinjalizuesit

 

ekziston dyshimi i arsyeshëm se mund të ndërmerren veprime të dëmshme ndaj sinjalizuesit ose provat mund të fshihen ose shkatërrohen nëse do të kryhej sinjalizim i brendshëm

 

kanë karakter urgjent që shoqërohet me rrezik serioz dhe të menjëhershëm ose me dëm të pakthyeshëm

Agjencia mund të paraqesë kallëzim penal në Prokurori në rast të elementeve të veprës penale ose të kërkojë nga Gjykata që të fillojë procedurën kundërvajtëse nëse institucionet publike (Inspektorati i Punës në rastin e institucioneve private) kryejnë këto parregullsi:

dështojnë të caktojnë zyrtarin përgjegjës për procedurat e sinjalizimit dhe të njoftojë me shkrim të gjithë punonjësit për të drejtat e tyre për të filluar procedurën e sinjalizimit;

dështojnë të mbrojnë sinjalizuesin nga çdo veprim i dëmshëm;

dështojnë të ndërmarrin veprime pas raportimit të informacionit brenda afateve ligjore;

dështojnë të informojnë sinjalizuesit për rezultatin e procedurës në afatin e caktuar, ose për ecurinë dhe veprimet e ndërmarra në procedurë me kërkesën e tij/saj;

dështojnë t’i japin qasje sinjalizuesit në dosjet e lëndës dhe të drejtën për të marrë pjesë në veprimet e ndërmarra gjatë procedurës së sinjalizimit;

në rastet kur ato pengojnë sinjalizimin me ndonjë veprim ose lëshim (mosveprim) që synon parandalimin e raportimit ose zbulimit të interesit publik.