Një delegacion i Agjencisë për Parandalimin e Korrupsionit (APK) mori pjesë në Takimin e 22 të Monitorimit dhe ne Takimin e 28 të Grupit Drejtues te Rrjetit Kundër Korrupsionit për Evropën Lindore dhe Azinë Qendrore (ACN) të Organizatës për Zhvillim dhe Bashkëpunim Ekonomik OECD-së, të mbajtur në datat 3, 4 dhe 5 tetor 2023.
Ne këtë takim u prezantuar raportet e monitorimit të zbatimit të Planit të Veprimit Kundër Korrupsion të Stambollit për Armeninë, Azerbajxhanin, Ukrainën dhe Moldavinë. Shumica dërmuese e raporteve prezantuan progres të këtyre vendeve në zbatimin e standardeve të OECD-së. Pwrveq raporteve u prezantuan raporti vjetor i rrjetit, projekt plani i punës për 2024 dhe projeksionet buxhetore.
Drejtori i APK-së, Yll Buleshkaj, ishte edhe pjesë e panelit diskutues në lidhje me iniciativat kundër korrupsionit dhe integritetit në sektorin e arsimit në vendet e ACN-së. Buleshkaj theksoi rëndësinë thelbësore të planeve të integritetit të institucioneve të arsimit universitar, funksionalizimi i kanaleve të sigurta të sinjalizimit, transparencës, dhe procedurave të brendshme për parandalim të konfliktit të interesit. Ai, po ashtu, vlerësoi kontributin e pazëvendësueshëm të organizatave studentore dhe organizatave të shoqërisë civile në sigurimin e integritetit institucional.
