Drejtori i Agjencisë për Parandalimin e Korrupsionit, Yll Buleshkaj, po merr pjese në Punëtorinë Rajonale për Zhvillimin e Mekanizmave Efektiv të Kontrollit të Investimeve në Ballkanin Perëndimor që po mbahet në Pragë, Republika Çeke. Kjo punëtori organizohet nga Programi i Zhvillimit të së Drejtës Tregtare (CLDP) i Departamentit Amerikan të Tregtisë në Koordinim me Departamentin Amerikan të Tregtisë, Departamentit Amerikan i Shtetit, Departamentit Amerikan të Thesarit, Ambasadës së SHBA në Pragë, dhe Ministrisë së Industrisë dhe Tregtisë së Republikës Çeke.
Disa nga temat që trajtohen në ketë punëtori janë: Rëndësia e mbrojtjes së aseteve kryesore, teknologjisë, infrastrukturës dhe të dhënave; Bashkëpunimi Evropian dhe Ndërkombëtar në Kontrollin e Investimeve; Mekanizmi i Shqyrtimit të Investimeve në SHBA ; Dimensionet sektoriale të sistemit çek të shqyrtimit të investimeve; Implikimet e Mekanizmit Ekzaminues të BE-së mbi Legjislacionin dhe Praktikën e Shteteve Anëtare individuale, dhe të ngjashme.
