Sot përfundon me sukses programi tre ditor me temën ‘Rëndësia e Parandalimit të Konfliktit të Interesit, Roli i Autoriteteve Përgjegjëse sipas Legjislacionit Kosovar, Praktikat rajonale dhe ndërkombëtare’. Ky program u zhvillua nga Agjencia për Parandalimin e Korrupsionit (APK) dhe Projekti kundër Krimit Ekonomik (PECK III) i financuar nga Bashkimi Evropian (European Union in Kosovo) dhe Këshilli i Evropës (Council of Europe Office in Pristina). Përfitues të programit janë zyrtarë të caktuar si autoritete përgjegjëse, që trajtojnë rastet e konfliktit të interesit brenda institucioneve dhe ndërmarrjeve publike te Kosovës, në nivelin qendrore dhe lokal.
Pjesëmarrësit përfituan përveç nga zyrtarët e APK edhe nga prezantimet dhe bashkëbisedimi për praktikat evropiane nga specialisti Këshillit të Evropës, z. Jeroslavs Strelecenoks dhe prezantimet e kolegëve nga rajoni, z. Besnik Xhemajli, nga Komisioni Shtetërorë për Parandalimin e Korrupsioni i Maqedonisë Veriore, znj. Majlinda Thoma nga ILDKP e Shqipërisë dhe znj. Marina Micunovic, specialiste nga Mali i Zi.
