Putrajaya, Malajzia, 02 shtator 2015 – Drejtori I Agjencisë kundër korrupsionit z. Hasan Preteni po merr pjesë në Konferencën globale kundër korrupsionit që sivjet po mbahet në Putrajaya të Malajzisë. Konferenca e cila u hap sot dhe do të zgjasë tre ditë është organizuar për të 16-tën herë nga International Anti-Corruption Conferenc, ndërsa ka mbledhur më shumë se 130 delegacione shtetërore nga I gjithë globi, nën moton “ Dhënie fund mos ndëshkimit, njerëzit, Integriteti, Veprimi”.
Ky aktivitet synon që të nxisë forcimin e bashkëpunimit ndërmjet mekanizmave të ndryshëm global që të vënë në lëvizje të gjithë njerëzit ata vendimmarrës si dhe njerëzit e rëndomtë për të marrë hapa drejtë masave më rigoroze dhe qëndrime të prera kundër veprimeve të njerëzve të korruptuar.
“ Për të fituar luftën kundër korrupsionit dhe për të promovuar drejtësinë sociale ne duhet të bashkojmë forcat dhe të sigurojmë se ata që abuzojnë me pushtetin e tyre nuk do e kenë rrugën e gjatë. Njerëzit me vullnet politik dhe veprime kolektiv kanë provuar të jenë faktorë vendimtarë për ndryshime pozitive – ne shohim se në të gjithë kontinentet – rreziqet dhe sfidat për ata që marrin një qëndrim kundër të korruptuarve vazhdon të mbetet i madh” kështu ka thënë në fjalën e hapjes, Akere Muna kryesuesi I Këshillit të IACC-as.
Seanca plenare po diskuton se si komuniteti global mund të nxisë më shumë njerëz drejtë të kuptuarit se efektet e mosndëshkimit të njerëzve të korruptuar shkaktojnë trazira sociale dhe efekte tjera që ndikojnë direkt në jetën dhe të ardhmen e të gjithë njerëzimit. Pjesëmarrësit do të shohin se si duhet të ndëshkohen të korruptuarit pasi që mos ndëshkimi shpesh është vepër korruptive që ndikon negativisht në fuqinë ekonomike dhe politike.
