Prishtinë, 25 shkurt 2016 – Drejtori I Agjencisë kundër korrupsionit z. Hasan Preteni priti sot në takim z. Christopher R. Malony pjesë e delegacionit të lartë nga agjencia qeveritare amerikane Korporata Sfidat e Mijëvjeçarit (MCC), I cili ishte I shoqëruar edhe nga stafi i USAID-it në Kosovë.
Gjatë takimit z Preteni e njoftoj zyrtarin amerikanë për punën e Agjencisë në përgjithësi sidhe sfidat me të cilat po has gjatë kryerjes së misionit të saj.
“Me z. R. Malony diskutuam rreth ndihmës që mundë të marr agjencia përmes fondeve të (MCC)- së për sa I përket përmirësimit të sistemit që ka të bëjë me luftën kundër korrupsionit. Kam përshtypjen se vazhdimi I ndihmës përmes fondeve të MCC varet shumë nga përparimi që ne e bëjmë në luftën kundër korrupsionit. Kosova duhet ta jap maksimumin e saj në këtë drejtim” tha pas takimit z Preteni.
Z. Christopher R. Malon është pjesë e një delegacioni të lartë amerikanë që po vizitojnë Kosovë për të mbledhur informacionet e nevojshme rreth prioriteteve dhe nevojave që ka Kosova për sa I përket marrjes së ndihmës financiare nga fondet e MCC-së.
