E nderuara redaksi e gazetës Zëri,
Po ju shkruaj në shenjë reagimi dhe shqetësimi të pamasë ndaj shkrimit me titull – ”Politizohet Antikorrupsionit” , I datës 20 qershor 2016 I autorit Berat Kostanica, ku gjoja se unë e kamë kontestuar zgjedhjen e drejtorit të ri të Agjencisë kundër korrupsionit nga ana e Kuvendit të republikës së Kosovës.
Me lejoni të shpreh shqetësimin tim të thellë me jo etikën jo profesionalizmin dhe pafytyrësinë e autorit të këtij shkrimi ku ka shpikur tërësisht referimimin në mua.
Unë Hasan Preteni me përgjegjësin më të madhe njerëzorë e them se autori ka shpikur citimin në mua, pasi që ky njeri as një herë dhe në as një rrethanë nuk më ka kontaktuar mua dhe nuk më ka pyetur në lidhje me atë që ka shkruar në gazetë. Pra citimi në mua është absolutisht I pavërtetë sepse unë nuk kamë dhënë as një deklaratë në lidhje me çështjen në fjalë. Në fakt unë kam mendim krejt ndryshe nga ajo që autori ka trilluar. Pra, citati në mua është tërësisht I rrejshëm dhe I trilluar.
Siç e dini referimi I rrejshëm në gazetë jo veç se përbënë shkelje të etikës profesionale gazetareske, por përbënë edhe shkelje ligjore. Unë kërkojë nga Ju që publikisht të kërkoni falje për këtë skandal të paskrupullt dhe të merrni masa ndaj autorit trillues.
Përtej kësaj, unë do t’i përdori të gjitha mundësit që I lejon ligji për ta mbrojtur dinjitetin tim, sepse gënjeshtra dhe trillimi i një citati në mua është më shumë se shkelje e etikës dhe standardeve profesionale gazetareske. Është gënjeshtër, është manipulim me lexuesit e Zërit dhe publikun në përgjithësi.
Hasan Preteni
Drejtor I Agjencisë kundër Korrupsionit
