Në kuadër të manifestimeve të Ditës Ndërkombëtare të Korrupsionit, Zyra e UNDP-së në Kosovë ka shpallë një garë të hapur për vizatimet më të mira me tematike nga lufta kundër korrupsionit – “Korrupsioni ne sytë tuaj”.
Kush mund të aplikojë : Nxënësit e klasave nga VI deri XII
Çmimet : iPad për 12 vizatimet më të mira
Afati i dorëzimit të punimeve : 25 nëntor, 2017
Teknika e vizatimeve
Nxënësit duhet të dorëzojnë vizatimet e tyre, në çfarëdo teknike, përfshirë: laps, ngjyra, temper, ngjyra të ujit, etj., si dhe të kenë temë origjinale. Ndërkaq, nuk do të pranohen “vizatime” që krijohen përmes programeve softuerike. Gjithashtu, nuk do të pranohen vizatimet që konsiderohen jo-origjinale ose që paraqiten si kopje të ndonjë vizatimi të mëparshëm.
Dorëzimi:
Vizatimi duhet të dorëzohet sipas kushteve më poshtë:
- • Të jetë origjinal;
- • Në cilëndo teknikë të përshkruar më sipër;
- • Formati: A4;
- • Të dorëzohet me postë në adresën: Rruga Zagrebi, Nr. 58, 10000Prishtinë, Kosovë
Vërejtje:
Duet ta kini parasysh se posta merr disa ditë për të arritur. Është në përgjegjësi të konkurruesit që vizatimi të arrijë në adresën e lartpërmendur deri më 25 nëntor. Vizatimet që arrijnë pas kësaj date nuk do të merren parasysh.
Përveç vizatimit, konkurruesi duhet të përfshijë edhe këto të dhëna: Emrin dhe Mbiemri, Komuna, Mosha, Klasa dhe Shkolla.
Vlerësimi
Vizatimet do të vlerësohen nga një komision veçantë i përbërë nga profesionistë nga fusha e artit, përfaqësuesit të zyrës së UNDP-së në Kosovë, dhe zyrtarë nga Agjencia e Kosovës Anti-Korrupsion. Pas përfundimit të afatit, Komisioni do të vlerësojë vizatimet e dorëzuara për të përzgjedhur pastaj 12 më të mirat.
Ndarja e shpërblimeve
Ceremonia e ndarjes së shpërblimeve do të mbahet në javën e parë të dhjetorit, në zyrat e Agjencisë Kundër Korrupsionit. 12 vizatimet më të mira do të shfaqen në kalendarin e Vitit 2018.
