PRISHTINË, 26 shkurt 2008 – Drejtori I Agjensionit Kosovar Kundër Korrupsionit z Hasan Preteni mori pjesë në konferencën rajonale dy ditore ( 25 dhe 26 shkurt 2008) që u mbajt në Tiranë të Shqipërisë ku u diskutuan mundësit për rritjen e efikasitetit në luftën kundër korrupsionit në administratën publike.
Tema e diskutimit në këtë konferencë ka qenë “forcimi I bashkëpunimit ndërinstitucional për rritjen e kapaciteteve hulumtuese në kontrollin e deklarimit të pasurive dhe në parandalimin e konfliktit të interesit”;, ndërsa morën pjesë përfaqësuesit e disa shteteve nga rajoni I Ballkanit duke përfshirë edhe Kosovën.
Një fjalim rasti për inkurajimin e pjesëmarrësve të kësaj konference për luftimin e Korrupsionit e ka mbajtur edhe presidenti I Shqipërisë Bamir Topi.
Lufta kundër korrupsionit do të jetë e suksesshme vetëm nëse do të ketë bashkëpunim ndërmjet të gjithë institucioneve publike. Evidentimi i konfliktit të interesave dhe fshehjes së pasurisë nuk mund të kryhet vetëm nga një institucion i vetëm por nga bashkëveprimi i të gjithë faktorëve politikë e socialë që kanë si qëllim primar arritjen e standarteve evropiane.
Këto ishin dy prej përfundimeve më të rëndësishme të nxjerra prej kësaj konference që është organizuar nga Inspektorati i Lartë i Deklarimit dhe Kontrollit të Pasurive (ILDKP-së) me mbështetjen e Presidentit të Republikës, z. Bamir Topi.
