E nderuara Redaksi e të përditshmes Zëri,
Agjencia kundër korrupsionit konsideron se titulli I artikullit në fjalë I botuar në ballinë dhe në faqen 7 të botimit të së martës 23 qershor 2015 përmban pa vërtetën.
Kjo për faktin se gjatë gjithë brendësi së artikullit nuk ka as një fakt se Agjencia I ka “mbyllur sytë” karshi tenderit “ Servisimi I Mirëmbajtjes së Pajisjeve Radiologjike të Apelemit” i shpallur nga Spitali I Gjilanit.
Të rikujtojmë se për sa I përket tenderit në fjalë Agjencia sipas detyrës zyrtare e ka monitoruar procesin dhe më datë 05.05 2015 I ka adresuar Opinion Spitalit të Gjilanit që ti anulojë procedurat për shkak të shkeljeve që janë konstatuar, (shih linkun https://apk-rks.net/repository/docs/01-1296-2015spitali%20i%20Gjilanit.pdf).
Në ndërkohë Spitali I Gjilanit ka vepruar sipas udhëzimeve të Agjencisë dhe më datën më 14 05 2015 e ka bërë anulimin e këtij tenderi. Si rrjedhojë Agjencia e konsideron si rast të mbyllur.
Ashtu siq citohet Drejtori I AKK-së në paragrafin gjashtë të artikullit, – mandati I Agjencisë nuk është që të merret me gjëra hipotetike, por Agjencia do të vazhdojë të monitorojë, – pa I mbyllur sytë jo vetëm këtë rast por të gjitha proceset dhe procedurat e tenderimeve me vlera të larta nëpër institucionet publike të Republikës së Kosovës.
Në këtë rrafsh vetëm vitin e kaluar Agjencia ka arritur që të parandalojë shumën totale prej rreth 29 milion eurosh vetëm gjatë proceseve të monitorimit të procedurave të tenderëve të ndryshëm, ndërsa këtë vit trendi është akoma më pozitivë për sa I përket punës së Agjencisë.
Agjencia konsideron se titulli I artikullit përmban tendencë të prishjes së imazhit të saj nga autori I artikullit, dhe për hir të korrektësisë ndaj publikut, me mirësi kërkon nga Redaksia e të përditshmes “Zëri” që ky reagim të botohet në numrin e të mërkurës datë 24 qershor 2015 në faqen e njëjtë ku është botuar edhe artikulli me titullin tendencioz, (faqe 07).
