Prishtinë, 24 shkurt 2016 – Shefi i Zyrës së BE-së në Kosovë/Përfaqësuesi Special i BE-së, Samuel Zhbogar, dhe Drejtori i Agjencisë Kundër Korrupsionit në Kosovë, Hasan Preteni, u takuan sot për të diskutuar punën e rëndësishme që po e bën Agjencia në luftimin e korrupsionit.
Z. Preteni informoi Z. Zhbogar për opinion e Agjencisë, duke theksuar emërimet në nëntë bordet të cilat janë joligjore sipas Ligjit për Ndërmarrjet Publike.
Z. Zhbogar mirëpriti këtë opinion dhe tha që BE-ja ndan të njëjtat shqetësime me Agjencinë. Ai shprehu besimin se Qeveria do ta marrë këtë opinion seriozisht dhe do të zbatojë rekomandimet që jepen aty.
Në përputhje me mandatin e tij, Bashkimi Evropian në Kosovë promovon emërimin e zyrtarëve shtetërorë në mënyrë transparente dhe të drejtë duke respektuar si duhet rregullat dhe procedurat ligjore.
