Agjencia kundër Korrupsionit në pajtim më nenin 17 paragrafin 2 të Ligjit nr. 03/L-159 për Agjencinë kundër Korrupsionit në bashkëpunim më Projektin e Komisionit Evropian për mbështetjen e Institucioneve kundër Korrupsionit SACIK i ka organizuar takimet më pikat e kontaktit të Institucioneve dhe subjekteve tjera të përfshira në finalizimin e rishikimit të Planit të Veprimit kundër Korrupsionit, qëllimi i këtyre takimeve ka qenë finalizimi i rishikimit të Planit të Veprimit kundër Korrupsionit 2009-2011.
Gjatë këtyre takimeve janë diskutuar ndryshimet e objektivave dhe veprimeve të cilat kanë qenë pjesë e Planit aktual të Veprimit kundër Korrupsionit 2009-2011.
Po ashtu janë diskutuar edhe objektivat dhe veprimet e reja të cilat janë paraparë që të përfshihen në Planin e rishikuar të veprimit kundër Korrupsionit, vlen të theksohet se gjatë këtyre takimeve janë harmonizuar qëndrimet si dhe është arritur pajtueshmëri për finalizimin e Planit të rishikuar të Veprimit kundër Korrupsionit 2009-2011.
Takime janë mbajtur më 27 dhe 28 Shtator 2010 në lokalet e Agjencisë kundër Korrupsionit
Në këto takime kanë qenë ftuar të marrin pjesë 43 Institucione dhe subjekte, ndërsa kanë marrë pjesë 25 prej tyre të listuara si në vijim:
- Komisioni Qendror i Zgjedhjeve
- Zyra e Kryeministrit
- Ministria e Administratës Publike
- Ministria e Administrimit të Pushtetit Lokal
- Ministria e Energjisë dhe Minierave
- Ministria e Arsimit Shkencës dhe Teknologjisë
- Ministria e Punës dhe Mirëqenies Sociale
- Ministria e Transportit dhe Postë-Telekomunikacionit
- Ministria e Drejtësisë
- Ministria për Komunitete dhe Kthim
- Ministria e Kulturës, Rinise dhe Sportit
- Administrata Tatimore e Kosovës
- Gjykata Supreme
- Prokuroria e Shtetit
- Zyra e Avokatit të Popullit
- Policia e Kosovës
- Inspektorati Policor
- Zyra e Auditorit të Përgjithshëm
- Banka Qendrore e Kosovës
- Korporata Energjetike e Kosovës
- Dogana e Kosovës
- Asociacioni i Komunave
- Instituti Demokratik i Kosovës
- Lëvizja FOL
- Agjencia kundër Korrupsionit
