Drejtori i Agjencisë për Parandalimin e Korrupsionit, Yll Buleshkaj, priti në takim pjesëmarrësit e trajnimit “Të rinjtë në Politikë: Qeverisja dhe Sistemet Politike” të organizuar Grupi për Ballkan Balkans Policy Research Group – BPRG.

Rreth 35 pjesëmarrësve të trajnimit, të rijnë aktivistë të partive politike dhe shoqërisë civile në Kosovë, ju prezantua mandati, fushë veprimtaria, sfidat dhe sukseset e Agjencisë ne fushën e parandalimit të korrupsionit.

“Transparenca dhe etika në vendimmarrje kusht bazë për qeverisje të mirë dhe zhvillim të shoqërisë’’ theksoi drejtori Buleshkaj.

Agjencia për Parandalimin e Korrupsionit ishte përzgjedhur nga organizatori si një nga institucionet e Republikës së Kosovës për t’i vizituar bashkë me këta të rinj.’