Drejtori i Agjencisë për Parandalimin e Korrupsionit, Yll Buleshkaj, sot ka nënshkruar vendimin për aprovimin e Metodologjisë uniforme dhe udhëzimet për përpilimin dhe zbatimin e Planeve të Integritetit.

Ligji nr. 08/L-017 për Agjencinë për Parandalimin e Korrupsionit obligon organet e administratës qendrore, agjencitë e pavarura, si dhe autoritetet komunale të Kosovës, të miratojnë planet e integritetit gjashtë muaj pas miratimit të Metodologjisë së Planeve të Integritetit.

Plani i integritetit përveç që është kërkesë ligjore, ai është edhe një mjet thelbësor për çdo institucion që dëshiron të ruajë integritetin e vet, të rris reputacionin, si dhe të mbrohet nga mashtrimi, korrupsioni dhe lëshime të tjera etike – theksoi Buleshkaj.