Në datat 1-4 Korrik 2023, një delegacion nga Agjencia për Parandalimin e Korrupsionit (APK) e Kosovës, drejtuar nga Drejtori Yll Buleshkaj, realizoi një vizitë studimore në Republikën e Koresë, ku zhvilloj takime  në Qendrën e Politikave të UNDP-së në Seul dhe Komisionin për të Drejtat Civile dhe Anti-Korrupsion të Republikës së Koresë (ACRC). Kjo vizitë u realizua në kuadër të përkrahjes për APK nga Projekti i UNDP ‘Mbështetje për Përpjekjet Kundër-korrupsionit në Kosovë’.  Kjo vizitë kishte për qëllim prezantimin dhe përmirësimin e platformës së re të raportimit të korrupsionit ‘Për Kosovën Pa Korrupsion’ , të frymëzuar nga sistemi “Clean Portal” i Koresë.

Në bashkëpunim me Komisionin për të Drejtat Civile dhe Anti-Korrupsion të Republikës së Koresë (ACRC) dhe Qendrën e Politikave të UNDP-së në Seul (USPC), APK është angazhuar në zbatimin e projektit për krijimin e një mekanizmi efektiv të raportimit të korrupsionit në Kosovë, duke ndjekur modelin e sistemit digjital të raportimit të korrupsionit dhe shkeljeve të interesit publik të Koresë, të njohur si “Clean Portal”.

Gjatë vizitës në Kore, delegacioni nga Kosova, në tri takime të ndara, prezantoi platformën e re të raportimit të korrupsionit, duke diskutuar rezultatet e projektit, sfidat e hasura dhe mënyrat për përmirësime të mëtejshme. Programi përfshinte takime edhe me ekspertë të ndryshëm dhe sesione prezantimi dhe diskutimi.

Vizita filloi me një seancë mirëseardhjeje ne USPC, prezantim i mundësive, si dhe një seance për hapat në vazhdim nga APK, SAEK dhe USPC. Delegacioni Kosovar, përveç ekspertëve te USPC u prit  edhe nga Dr. Anne Juepner, Drejtoreshë e Qendrës së Politikave të UNDP-së në Seul, Youngchan Kim, Specialist i Politikave, dhe Gichung Lee, Analiste e politikave.

Me tutje u zhvillua një sesion në Komisionin për të Drejtat Civile dhe Anti-Korrupsion të Republikës së Koresë (ACRC), me qëllim  përditësimin  e zhvillimeve mbi sistemin “Clean Portal” nga mikpritësit si dhe një prezantim nga delegacioni kosovar mbi statusin aktual, arritjet dhe sfidat në krijimin e një platforme të ngjashme në Kosovë. Prezantimet e Clean Portal u bwn nga Cha-cheol Jang, Drejtor i Planifikimit të Inspektimit, Yeong-hee Song, Drejtori Marrëdhënieve Ndërkombëtare, Won-tae Hong, Zëvendës Drejtor i Planifikimit të Inspektimit dhe . Ga-yeon Lee, Ndihmës Drejtoreshë për Marrëdhënie Ndërkombëtare. Në anën tjetër Drejtori Buleshkaj prezantoj procesin duke filluar nga ideja fillestare, bashkëpunimi me UNDP, zhvillimi i termave të referencës, kriteret dhe kërkesat teknike, e deri te zhvillimi dhe instalimi dhe vërja në funksion e platformës. Pas prezantimeve u dedikua diskutimeve për finalizimin e platformës, ata se si të procedohet me rastet e pranuara jashtë platforme, aspekte teknike teknologjike si dhe informimit të publikut për ketë sistem. Ndërsa, rezultati i pritur nga kjo vizitë studimore është  një platformë të përmirësuar për raportimin e korrupsionit, e cila bazohet në feedback-un e marrë nga ACRC.

Drejtori Buleshkaj, ftoj përfaqësuesit e Komisionit për të Drejtat Civile dhe Anti-Korrupsion të Republikës së Koresë (ACRC) dhe tw USPC  ta vizitojnë Kosovën dhe nga afër të njoftohen me progresin e saj në parandalimin dhe luftimin e korrupsionit.

Kjo vizitë studimore është një hap i rëndësishëm përpara në përpjekjet e Kosovës për të përmirësuar transparencën dhe integritetin në qeverisje, duke përdorur praktikat më të mira ndërkombëtare në luftën kundër korrupsionit.

Linku i komunikatës për shtyp nga ACRC KETU https://shorturl.at/aEQEs