Me 29 shkurt 2024, Agjencia për Parandalimin e Korrupsionit mori pjese ne tryezën e diskutimit të organizuar nga Instituti Riinvest në kuadër të projektit Integriteti i sektorit privat; korrupsioni nga ana e ofertës i cili mbështet nga Aktiviteti i USAID për Integritetin e Komunave të Kosovës (USAID KMI). Në këtë tryezë u prezantua edhe raportin “Hulumtim mbi dinamikën e korrupsionit nga ana e ofertës në Kosovë”.
Nga organizatorët u theksua se qëllimi i këtij studimi është rritja e ndërgjegjësimit të akterëve kryesor në komunitetin e biznesit në Kosovë mbi rëndësinë e respektimit të parimeve etike në bërjen e biznesit, me qëllim të reduktimit të korrupsionit dhe ryshfetit nga ana e bizneseve. Ndërsa rezultatet e raportit të prezantuar u tha që tregojnë se bizneset janë të vetëdijshme për nivelin e lartë të korrupsionit, mirëpo janë gjithashtu të gatshme të marrin pjesë në zbatimin e një kodi etik të praktikave të mira për të minimizuar korrupsionin me qëllimin qe kjo të përmirësoj mjedisin biznesor dhe të bëjnë konkurrencën e barabartë. Projekti Riinvest-KMI parasheh edhe adoptimin e një kodi kundër korrupsionit së bashku me shoqatat e biznesit me qëllim rritjen e integritetin në sektorit privat.
Drejtori i Agjencisë për Parandalimin e Korrupsionit në Kosovë, Yll Buleshkaj, theksoi se: ‘’Ky hulumtim jep një kontribut të veçantë në vlerësimet kundër korrupsion, por që fatkeqësisht e dëshmon një të vërtet të padëshirueshme se korrupsioni është i pranishëm edhe në anën e ofertës (bizneset) dhe jo vetëm nga ana e kërkesës (zyrtareve publik), si dhe që kjo e bën të domosdoshëm fuqizimin e mekanizimit të sinjalizimit, të brendshëm dhe jashtëm, në sektorin privat.’’
